ഏതാണ്ട് ഒരു വർഷത്തോളമായി ഈ വഴി വന്നിട്ട്..
മറന്നു തുടങ്ങിയോ (*ഇല്ല ചോദിക്കുന്നില്ല ) അതിന് നീ ഏതായിരുന്നു? (*എന്നതല്ലേ മറുചോദ്യം)
അതെന്തായാലും ഓർക്കുന്നവർക്കായും മറന്നവർക്കായും ഇത്തിരി പഴക്കം ചെന്ന അഞ്ചാറു വരികൾ കുറിച്ചിടുന്നു..
വനത്തിൻ്റെ വന്യതയിലും
പൂക്കൾ വിടരാറുണ്ട് ,
ആരുമറിഞ്ഞില്ലെങ്കിലും
കാറ്റിൽ പടർന്ന
മുളനാദത്തിനൊപ്പം
സ്വയം മറന്നാടാറുണ്ട്
കാണാറുണ്ടോ നിങ്ങളവരെ ..?
പഴയ രണ്ടു ഭാഗ്യനരകൾ പെറ്റുപെരുകി പത്തിരുപത് തലമുറയോടടുത്തല്ലോ….?
പണ്ട് രണ്ട് സ്വർണ്ണ നൂലും മൂന്ന് വെള്ളി നൂലും മാത്രേ ണ്ടായിരുന്നുള്ളൂ..
ഇപ്പൊ സ്വർണ്ണം കാണാനില്ലേലും വെള്ളി നൂറുകണക്കിനുണ്ട്.. 😌
മുടി നരക്കട്ടെ,
കാലത്തിൻ്റെ കാൽപ്പാടുകൾ അത്രയെങ്കിലും വേണ്ടേ..
“വെൽക്കം ടു സ്ട്രീറ്റ് ലൈബ്രറി” ഇങ്ങനെ ഒരു മെസ്സേജ് ഏതെങ്കിലും തെരുവുകളിൽ നിങ്ങളെ സ്വാഗതം ചെയ്തു നിന്നിട്ടുണ്ടോ.. സ്ട്രീറ്റ് ലൈബ്രറികൾ നമുക്ക് ഇവിടെ അത്ര പോപ്പുലർ അല്ലെങ്കിലും കൊൽക്കത്തയിലെ തെരുവുകളിൽ ഇത് വളരെ കോമൺ ആയ ഒരു കാര്യമാണ്.ഈ സ്ട്രീറ്റ് ലൈബ്രറികൾ എന്താണെന്നല്ലേ.. തെരുവിലുള്ള ലൈബ്രറികൾ തന്നെ. ലൈബ്രേറിയൻ ഇല്ലാത്ത ലൈബ്രറികൾ .. ആർക്കും എപ്പോൾ വേണമെങ്കിലും കടന്നുചെല്ലാവുന്ന പുസ്തകശാലകൾ.. അനുമതി തേടാതെ പുസ്തകങ്ങൾ എടുക്കാം, തിരിച്ചു വെക്കാം, സമയപരിധിയും ഇല്ല.. എല്ലാം ഒരു വിശ്വാസത്തിന്റെ പുറത്ത് പ്രവർത്തിക്കുന്ന രീതി.
നോളജ് ഷെയറിംഗ് ന് ഇത്രയും മാതൃകാപരമായ ആശയം വേറെ ഉണ്ടാവുമോ ..? അത് മാത്രമല്ല പരസ്പരം സംവദിക്കാനും ചർച്ചകൾ നടത്താനും ഒക്കെയും ഇതുപകരിക്കും..നിങ്ങളുടെ കയ്യിലുള്ള എക്സ്ട്രാ books അല്ലെങ്കിൽ വായിച്ചു കഴിഞ്ഞ് പഴയ ബുക്കുകൾ ഒക്കെ ഈ പുസ്തകശാലയിൽ ഏൽപ്പിക്കാം, അത് മറ്റാർക്കെങ്കിലും പ്രയോജനപ്പെടും. കുട്ടികളുള്ള വീട്ടിൽ ആണെങ്കിൽ ഒരുപാട് ചിൽഡ്രൻസ് ബുക്സ് ഉണ്ടാകും, കുട്ടികൾ വലുതാവുന്നതോടൊപ്പം ആവശ്യം ഇല്ലാതാവുന്നവ.. സ്ട്രീറ്റ് ലൈബ്രറികൾ ഉണ്ടായിരുന്നെങ്കിൽ ഇങ്ങനത്തെ ആവശ്യമില്ലാത്ത ബുക്സുകളും എക്സ്ട്രാ ബുക്സും ഒക്കെ അവിടെ കൊണ്ട് വയ്ക്കാം.
തെരുവിൽ ആയതുകൊണ്ട് നടത്തിപ്പിന് പ്രത്യേകിച്ച് ഒരു ചെലവും ആവശ്യമില്ല. കാലം കഴിയുന്തോറും ബുക്സ് കുറഞ്ഞുകൊണ്ടിരിക്കുന്ന പ്രവണത ഒരു സ്ട്രീറ്റ് ലൈബ്രറിയിലും ഇതുവരെ ഇല്ല, മറിച്ച് ആളുകളുടെ സംഭാവന കൊണ്ട് കൂടിക്കൊണ്ടിരിക്കുന്നതേയുള്ളൂ. ആരെങ്കിലും ബുക്സ് എടുത്തോണ്ട് പോയാലും അതിനു പകരം വേറെ ആരെങ്കിലും ആയിരിക്കും രണ്ടോ മൂന്നോ ബോക്സുകൾ വരെ പകരം വയ്ക്കുന്നത് .. പരസ്പരം അറിയാതെ തന്നെ മുഴുമിപ്പിക്കപെടുന്ന ഒരു സൈക്കിൾ.
പരസ്പര വിശ്വാസം എല്ലാവരും കാത്തുസൂക്ഷിക്കേണ്ടതായ് വരുമ്പോൾ അത് ഒരാളുടെ മാത്രം ബാധ്യത ആവില്ലല്ലോ, അപ്പൊ എല്ലാവരും അറിഞ്ഞങ്ങ് സഹകരിക്കും, ഉത്തരവാദിത്വം എല്ലാവരിലും എത്തുമ്പോൾ വിശ്വാസങ്ങളും നിലനിൽക്കും.ഈ സ്ട്രീറ്റ് ലൈബ്രറിയുടെ ഏറ്റവും വലിയ ആകർഷണം സ്വതന്ത്രമായി ആയി ബുക്ക് വായിക്കാം എന്നുള്ളത് തന്നെ. അതേപോലെ ബുക്സിന്റെ ഈസി ആയുള്ള റീസൈക്ലിംങ്ങും.ശരിക്കും ഈ സ്ട്രീറ്റ് ലൈബ്രറികൾ ഒരു സംഭവം തന്നെയല്ലേ..ഓസ്ട്രേലിയയിൽ ഇത്തരം ഒരു പാട് സ്ട്രീറ്റ് ലൈബ്രറികളുണ്ട്.
Pic: Street libraryഎന്തുകൊണ്ട് നമ്മുടെ ചുറ്റിലും ഇതുപോലെ ചിലതൊക്കെ ആയിക്കൂടാ.. നമ്മുടെ വീടിൻറെ മുൻപിലോ റോഡ്സൈഡിലോ അങ്ങനെ ഇത്തിരി സ്ഥലമുള്ള എവിടെയെങ്കിലും .. ശരിക്കും നഷ്ടപ്പെടുന്ന സൗഹൃദങ്ങളെയും അയൽപക്ക കൂട്ടായ്മകളെയും ഒക്കെ ഇതു് കോർത്തിണക്കും. നിങ്ങൾക്ക് ഇതിനെക്കുറിച്ച് കൂടുതൽ അറിയാമെങ്കിൽ എങ്കിൽ ഷെയർ ചെയ്യൂ..
നിഴലുകൾക്ക് എന്നും ഒരുപാട് കഥകൾ പറയാനുണ്ടാവാറുണ്ട്. അതുപോലെ ഒരു അണുസ്ഫോടനത്തിന്റെ ദുരന്തം അനുസ്മരിക്കാൻ എന്നോണം നിലനിൽക്കുന്ന കുറച്ച് ഷാഡോസ് ഉണ്ട് ഇന്നും ഹിരോഷിമയിൽ.
ഇന്ന് ഓഗസ്റ്റ് 6, ഒരു അണുബോംബ് ദുരന്തത്തിന്റെ എഴുപത്തിനാലാം വാർഷികം. പതിനായിരങ്ങളുടെ ജീവനെടുത്ത ആ ദുരന്തം ചില നിഴലുകളെ അവശേഷിപ്പിച്ചു. ഇന്നും ആ നിഴലുകൾ ഹിരോഷിമയിൽ കാണാം, കാലപ്പഴക്കം അതിനെ ഫേഡ് ആക്കാതിരിക്കാൻ ചിലതൊക്കെ മ്യൂസിയത്തിൽ ഇപ്പോഴും സംരക്ഷിക്കപ്പെട്ടു പോരുന്നു.
എങ്ങനെ സംരക്ഷിക്കപ്പെടുന്നു എന്ന് സംശയിക്കേണ്ട, ആ നിഴൽ പതിഞ്ഞ മതിലുകളോ കല്ലുകളോ അടക്കമാണ് സംരക്ഷിക്കപ്പെടുന്നത്. അത് സംഭവിച്ച സ്ഥലത്തു നിന്നും വേർപെടുത്തി പ്രത്യേകം ഉപാധികളിലൂടെ മ്യൂസിയത്തിൽ സൂക്ഷിച്ചു പോരുന്നു.
ഹിരോഷിമയിലെ പീസ് മെമ്മോറിയൽ മ്യൂസിയത്തിൽ അത്തരമൊരു ഹ്യൂമൻ ഷാഡോ ഓഫ് ഡെത്ത് ഉണ്ട്. ബ്ലാസ്റ്റ് നടക്കുന്നതിന് അൽപം മുമ്പ് ഹിരോഷിമ ബ്രാഞ്ച് ഓഫ് sumitomo ബാങ്കിന്റെ മുമ്പിലുള്ള ഉള്ള കൽപ്പടവുകളിൽ ഇരിക്കുകയായിരുന്ന ഒരു മനുഷ്യന്റെ ഷാഡോ.
ഇനി ആ നിഴലുകൾ എങ്ങനെ ഉണ്ടായി എന്നുള്ളതല്ലേ.. ന്യൂക്ലിയർ ഷാഡോസ് എന്നാണ് അവ അറിയപ്പെടുന്നത്. ന്യൂക്ലിയർ സ്ഫോടന ഫലമായുള്ള അതി തീവ്ര തെർമൽ റേഡിയേഷൻ മൂലം ഉണ്ടാകുന്നതാണ് ഇവ. ഈ റേഡിയേഷൻ മൂലം ഒരു ബ്ലീച്ചിംഗ് ഇഫക്ട് നടക്കും, സൺ ബേൺ ഉണ്ടാകുന്നതുപോലെ. കവർ ചെയ്ത ശരീരഭാഗങ്ങൾ ഒരു നിറവും, exposed ഭാഗങ്ങൾ ബേൺ ചെയ്ത് നിറം മാറിയും ഉണ്ടാകാറില്ലേ…അതുപോലെ.
ഒരു ഭിത്തിയുടെ മുൻപിൽ ഒരു ഒബ്ജക്റ്റ് ഉണ്ടെങ്കിൽ സ്ഫോടനസമയത്ത് ഒബ്ജക്റ്റിന് പൊള്ളൽ ഏൽക്കുന്നതോടൊപ്പം, ആ ഭിത്തിയും ബ്ലീച്ച് ചെയ്യപ്പെടും, ഭിത്തിയിൽ ഒബ്ജക്റ്റിന്റെ സ്ഥാനം ഒഴികെ. കാരണം ആ ഒബ്ജക്റ്റ് റേഡിയേഷൻ ഭിത്തിയിൽ വീഴുന്നത് ബ്ലോക്ക് ചെയ്തല്ലോ.. ഇതെല്ലാം ഒരു നിമിഷം കൊണ്ടുനടക്കും. ഹ്യൂമൻ വേപ്പറൈസേഷൻ ആണ് ഈ ഷാഡോസിന് കാരണം എന്നൊക്കെ തെറ്റായ പല പ്രചാരണങ്ങളും ഉണ്ടാവാറുണ്ട്. പക്ഷേ അതിനു സയൻറിഫികലോ മെഡിക്കലോ ആയുള്ള യാതൊരു സാധ്യതകളും ഇതുവരെ കണ്ടുപിടിക്കപ്പെട്ടിട്ടില്ല.
ഇനി ഇത്തരം ദുരന്തങ്ങൾ ആവർത്തിക്കപ്പെടാതിരിക്കട്ടെ എന്ന് നമുക്ക് പ്രത്യാശിക്കാം. ഇനിയൊരു ലിറ്റിൽബോയും ഫാറ്റ്മാനും ഭൂമുഖത്ത് പതിക്കാതെ ഇരിക്കട്ടെ. ഇന്നും അണയാതെ കത്തിക്കൊണ്ടിരിക്കുന്ന ഹിരോഷിമ peace flame അതിന് ത്രാണി പകരട്ടെ . ന്യൂക്ലിയർ ദുരന്തത്തിനുശേഷം ഹിരോഷിമയിൽ ആദ്യമായി പൂവിട്ട oleander പൂക്കൾ ഇനി ഒരിക്കലും നശിപ്പിക്കപ്പെടാതെ ഇരിക്കട്ടെ. പീസ് ഫുൾ പൊളിറ്റിക്സ് നിലകൊള്ളുമാറാകട്ടെ..
Pic: wikipedia
വിടമാട്ടെ…
അമ്പത്തൊന്നാമൻ ഞാൻ തന്നെ
Between ഈ എഴുത്തു പുരയിലെ എല്ലാ വെർച്വൽ ഫ്രെണ്ട്സിനും happy friendship day wishes
പാര്‍വ്വണേന്ദു 
